Во рускиот напад врз пристанишниот град Одеса, загина цивил, а околу петнаесет лица, меѓу кои и деца, беа ранети, изјави гувернерот на тој регион.
„За жал, еден цивил беше убиен во напад на Русите на Одеса во текот на ноќта“, напиша гувернерот Олех Кипер на Телеграм.
Odesa’s main Orthodox cathedral. Established in 1794, destroyed by Stalin in 1936, rebuilt under an independent Ukraine and destroyed again by Putin in 2023. One of several historical parts of central Odesa, a UNESCO world heritage site, hit by Russian missiles strikes today. pic.twitter.com/X9BvICUbQ4
— Yaroslav Trofimov (@yarotrof) July 22, 2023
Кипер малку порано извести за рускиот напад во 3 часот по полноќ (02:00 часот по средноевропско време).
„Во Одеса имаме 18 жртви, меѓу кои четири деца. Четиринаесет лица се пренесени во градските болници, меѓу кои три деца“, рече тој, додавајќи дека спасувачките екипи се на местото на настанот.
Пред тоа, гувернерот зборуваше за „штети на цивилната инфраструктура, станбените згради и верските институции“. „Повеќе системи за ракетна одбрана“ и тактички проектили за Украина побара шефот на кабинетот на претседателот, Андриј Јермак.
Одеса, чиј историски центар е вклучен во списокот на светско наследство, редовно е цел на руски напади. Градот доживеа ноќ од пеколот во четвртокот, при што Киев ја обвини Москва дека ја таргетира пристанишната инфраструктура за да го спречи можното обновување на украинскиот извоз на жито. Во петокот, УНЕСКО најостро ги осуди руските напади врз неколку музеи кои претрпеа штета.