Според руските медиуми, на железничката пруга кај Москва, работник пронашол сомнителен предмет кој личи на противпешадиска мина кој се наоѓал под железничката пруга.
Работникот со рака го извлекол предметот, а кога сфатил дека е мина ја известил полицијата.
Се уште нема официјална потврда дали се работи за вистинска мина и дали претставува опасност, а на каналите Телеграм се појави фотографија од мина.
По бунтот на Вагнеровите борци кои вчера го окупираа рускиот град Ростов на Дон и се упатија кон Москва, во повеќе градови беа откажани јавните собири, а беше воведен и режим на антитерористичка операција. Сообраќајот кон повеќе градови до денеска беше во прекин. Утрото сообраќајот почна да се нормализира, а во 13 часот и 15 минути по локално време беше отворен првиот приод кон Москва.
Потсетуваме, по постигнатиот договор, шефот на Вагнер, Евгениј Пригожин, им нареди на борците да се повлечат од своите позиции и доби ветување дека после тоа никој од нив нема да биде кривично гонет и дека Пригожин ќе ја напушти Русија и ќе замине во Белорусија.