Ситуацијата со уривањето на хидроенергетската брана Каховка треба да биде предмет на проучување и истрага ширум светот, изјави портпаролката на руското Министерство за надворешни работи, Марија Захарова.
„Ова повеќе не е тема на денот или неделата, туку се става во историски контекст. Зборувам за она што се случи вчера во ‘Каховка’. Тоа навистина треба да стане тема за проучување и истражување низ целиот свет“, нагласи Захарова.
Таа посочи дека реакцијата на Западот во сите слични ситуации е „целосно предвидлива“, истакнувајќи дека е бескрајна желба да се обвинува Русија за се што се случува, без разлика дали тоа навистина се случило или е плод на имагинација.
Захарова појасни дека сето тоа е дел од информативната и психолошката војна со Русија, со цел да се задржи хистеричниот став на Западот, пренесе ТАСС.
Градоначалникот на Нова Каховка, Владимир Леонтиев, претходно за „Спутник“ изјави дека горниот дел на хидроцентралата „Каховка“ во руската област Херсон е уништен при гранатирање, додека самата брана не е уништена.
Шефот на воената управа на регионот Херсон, Александар Прокудин изјави дека над 1.300 куќи се потопени во делот на Херсонската област што е под контрола на Киев.
Премиерот на Херсонската област Андреј Алексејенко изјави дека поради уривањето на хидроцентралата Кахово, практично целиот град Аљоша е под вода.
