Снимка од надзорните камери во клубот „Риц“ покажуваат дел од моментот кога е убиен познатиот хрватски криминалец Томислав Сабљо, кој оперираше и на Балканот. На видеото се гледа турканица, посегнување по оружје, а потоа и пукање. Два завршија во неговиот грб, а тој паднал на подот.
На социјалните мрежи е објавена снимката од убиството на познатиот хрватски криминалец Томислав Сабљо (41) во ноќниот клуб „Риц“. Сабљо беше убиен во саботата во 4 часот и 40 минути по судир со обезбедувањето, а досега се уапсени двајца осомничени. За убиството е осомничен Кристијан Кнего, шеф на обезбедувањето на клубот, а уапсен е и Доријан Мраковиќ (26), суспендиран загрепски полицаец, кој му го дал пиштолот од кој обезбедувачот пукал кобната вечер.
Се појавија нови детали од убиството на Томислав Сабљо.
„Вчера чистевме цел ден, а и денес чистиме за сè да се стави во ред. Клучното место на злосторството се случило на шанкот, кој се наоѓа лево од влезот во главниот дел на клубот, во кој се влегува од фоајето. Сепарињата каде што беше Сабљо со своето друштво се на крајот од клубот спроти влезот. На неколку високи шанк-маси и столови сè уште се гледа дамка од крв, раскажува жената што во моментот на убиството била во клубот, но во друга просторија. Таа вели дека не ги слушнала смртоносните истрели, кои биле испукани недалеку од шанкот поради бучавата од силниот звучник“, пишува „Слободна Далмација“.
Полицијата опиша како е убиен. Убиството на Сабљо предизвика страв во криминалните кругови во Хрватска. Убиениот криминалец Сабљо бил суров кон луѓето, но ослободил кокошки од живинарска фарма
