Претседателот на Белорусија, Александар Лукашенко, изјави дека на Белорусија ѝ се потребни гаранции дека Русија ќе ја брани Белорусија како своја територија во случај на надворешен напад врз таа земја, пренесува „Белта“.
Ова го изјави Лукашенко во Минск на средбата со рускиот министер за одбрана Сергеј Шојгу, кој пристигна во Белорусија по неодамнешните разговори меѓу Лукашенко и рускиот претседател Владимир Путин.
„Западните земји не ги исполнуваат и всушност ги погазија договорите за безбедносни гаранции, кои беа дадени со меморандумот од Будимпешта во замена за повлекување на нуклеарното оружје“, рече Лукашенко.
