Сопругот на Русинката Дарија Трепова, обвинета за убиството на блогерот Владлен Татарски, тврди дека сè ѝ било наместено. Наводната атентаторка е обвинета за убиство на воениот блогер користејќи фигура наполнета со експлозив.
Неименуван маж – за кој се верува дека ѝ е сосед – ѝ ја придржал вратата додека таа го влечела својот багаж низ влезот. Подоцна бил виден како ѝ помага да дојде до лифтот.
Според руските медиуми, Трепова, по атентатот, четири часа се возела со неколку такси-возила низ градот пред да пристигне во изнајмениот стан. Весникот „Известија“ наведува дека купила авионски билет од Пулково, но не се појавила на аеродромот.
Во друго видео, каде што Трепова постојано го тргала погледот од камерата додека зборувала, антивоената активистка признала дека му ја однела фигурата на Татарски во кафулето пред да се случи експлозијата. Тврди дека е наместена.
Трепова им рекла на руските инспектори дека подоцна ќе им каже кој ѝ ја дал статуата исполнета со експлозив.
Татарски, поддржувач на Путин и неговата инвазија на Украина, зборувал на политички настан во кафуле кога експлодирала бомба до него, при што загина пропагандистот и беа ранети 32 лица во, како што тврди Кремљ.
