Во средата, судот во Франција осуди двајца татковци на 20 и 18 години затвор за силување на нивните ќерки, снимање на малтретирањето и потоа предавање на снимката на други педофили.
Двајца мажи, едниот финансиски директор од предградието на Париз, другиот лекар по кинеска медицина во Виена, со години зборувале на интернет за сексуалното злоставување на кое ги изложувале нивните ќерки.
По судењето кое траеше три недели, Николас Д. и Себастијан Б.(42) се осудени за силување на малолетни лица, злоставување на малолетни лица и производство и дистрибуција на порнографски материјал.
Мајката на една од жртвите, која имаше заедничко старателство со Николас Д., рече дека е задоволна од пресудата. Двајцата мажи, кои се во истражен притвор од 2019 година, мирно ја примија пресудата. Филип Сарда, адвокатот на Николас Д., рече дека неговиот клиент ќе поднесе жалба на пресудата.
Вчера во судница беше и Чарлс П., кој беше осуден на шеснаесет години затвор за силување на малолетничка. Тој е обвинет дека отишол во куќата на Николас Д. најмалку шест пати во 2017 и 2018 година за да учествува во „сексуалното образование“ на неговата ќерка, со многу секс играчки и слики од детска порнографија.
Реаниматорот, кој стана медицински менаџер во фармацевтската индустрија, беше осуден на пет години затвор, од кои три беа суспендирани поради сексуален напад врз малолетник, пишуваат медиумите.
Мод А., сопруга на Себастијан Б., е осудена за сексуална злоупотреба на нејзината малолетна ќерка.
Судот осуди уште две жени на по 18 месеци затвор, бидејќи не пријавиле сексуална злоупотреба. Обвинение е поднесено и против жена (61), но судот ја ослободил.
На судењето сведочеа и ќерките на Николас Д. и Себастијан Б., кои сега имаат 13 години. За време на судењето беа емитувани шокантни фотографии и видеа.
Мачењето на овие девојки заврши во 2019 година, откако Николас Д. бил пријавен од корисник на веб-страница за педофили, откако му понудил „сеанси со ќерката“. Пред него, најмалку десетина мажи ја добиле истата понуда без да ги информираат надлежните.
