Страшен земјотрес со јачина од 7,8 степени според Рихтеровата скала ја погоди јужна Турција и соседните Либан и Сирија.
Според првите информации, загинале повеќе од 200 лица, додека неколку стотици луѓе се повредени. Спасувачите се на терен, а бројот на жртвите се зголемува.
Земјотресот беше почувствуван во многу градови на југот на Турција, особено во провинциите Кахраманмарас, Хатај, Османије, Адијаман, Газиантеп, Шанлиурфа, Дијарбакир, Малатија и Адана.
Нилуфер Аслан, жителка на Адана, имала среќа да го преживее земјотресот.
Тој за Би-Би-Си изјави дека бил сигурен дека неговото семејство ќе умре кога земјотресот го стресе и нивниот стан на петти кат.
– Вакво нешто не сум видел во животот. Се лулавме речиси една минута – изјави тој за Би-Би-Си.
Тој додаде дека ги повикал своите роднини од другите соби, и дека мислел „земјотрес е, барем заедно да загинеме на исто место“.
Откако земјотресот престана, тој и неговото семејство истрчаа надвор, без предмети, само во влечки.
Аслан за Би-Би-Си изјави дека четири згради околу него се урнале.
