Две лица беа тешко повредени во словенечките скијачки центри минатиот викенд.
Полициската управа во Марибор соопшти дека 59-годишен скијач паднал во реонот на Словенска Бистрица кога изгубил рамнотежа при исклучување на патеката и тешко се повредил, пренесува словенечкиот портал 24UR.
Полицијата соопшти и дека на истиот простор на приватен имот малолетник бил повреден додека се санкал со друго лице, при што и двајцата паднале од санката.
Порталот „Совена“ наведува дека во последно време е зголемен бројот на несреќи на скијачките патеки, а за тоа придонесува ниската свест за безбедноста на скијачите, како и „нивната дрскост и невнимание“.
Во Словенија носењето заштитна кацига за скијање е задолжително за деца под 14 години, а се препорачува и за возрасни.
