Речиси 10.000 полицајци, од кои 5.000 се во Париз, се мобилизирани во пресрет на вечерашниот полуфинален натпревар меѓу Франција и Мароко.
Ова го соопшти Жералд Дарманин, министер за внатрешни работи на Франција.
Во саботата вечерта во Париз имаше околу 1.500 полицајци, кои ја надгледуваа првата прослава на мароканските навивачи, а потоа и репрезентацијата на Франција, која избори пласман во полуфиналето.
Мароканците имаат огромна дијаспора во Франција и полицијата ги презеде сите превентивни мерки за да спречи евентуални конфликти по натпреварот, чиј влог е пласман во финалето на планетарното првенство.
