Три лица загинаа во престрелка во Австралија, меѓу жртвите има и полицајци, пренесуваат медиумите во регионот.
Станува збор за двајца полицајци и еден граѓанин а настанот се случил на оддалечен имот во Квинсленд, Австралија.
Полицајците реагирале на повик за исчезнато лице во место кое е на 270 километри западно од Бризбејн.
Насилниците се уште се на слобода, соопшти полицијата на прес-конференцијата.
На жителите во близина на имотот им е кажано да останат во затворени простории „до понатамошно известување“.
„Полицијата прогласи вонредна состојба во врска со актуелниот инцидент“, се вели во полициското соопштение.