Објавени се податоците од пописот на Обединетото Кралство од 2021. Резултатите покажуваат дека во Англија и Велс, христијаните сега станаа малцинство и дека големите градови, вклучително и Лондон, се првите во земјата кои сега имаат „малцинство“.
Споредено со последниот попис, бројот на христијаните е намален за 5,5 милиони, додека бројот на луѓе кои го следат исламот пораснал за 44 отсто. Ова е прв пат христијаните да се помалку од 50 проценти.
Од друга страна, дури 22,2 милиони луѓе се изјасниле дека немаат религија, што значи дека нивниот број последниве години скокнал за 14,8 отсто и сега се втората најбројна (не)религиозна група, пренесува Гардијан.
Во изминатата деценија, бројот на луѓе кои се идентификуваат како белци е намален за 500.000 и сега изнесува 81,7 проценти. Втората најзастапена етничка група е азискиот, азискиот британски или азискиот велшки со 9,3 отсто.
Канцеларијата за национална статистика, исто така, откри дека две третини од жителите на Лондон сега се идентификуваат како припадници на етничко малцинство – од група која не е бел Британец, но вклучува белци од други националности.
И покрај променливиот етнички состав на Англија и Велс, повеќе од 90 отсто од испитаниците рекле дека се чувствуваат Британци.
– Денешните податоци го нагласуваат се помултикултурното општество во кое живееме. Сликата варира во зависност од тоа каде живеете. Лондон останува етнички најразновиден регион во Англија, со нешто помалку од две третини кои се идентификуваат со етничка малцинска група, додека помалку од еден од десет го прави тоа на североисток – рече заменик-директорот на пописот Џон Врот Смит (Врот-Смит).
– Но, и покрај етнички разновидната природа на општеството, девет од десет луѓе низ Англија и Велс сè уште се идентификуваат со националниот идентитет на Обединетото Кралство, со речиси осум од десет во Лондон – додаде тој.
