Додека Западот се бори да ја исполни побарувачката на Украина за повеќе оружје, Пентагон го разгледува предлогот на Боинг да и достави на Украина евтини, мали, прецизно наведувани ракети кои ги има во доволен број за да му дозволи на Киев да работи далеку зад руските линии.
Воените залихи на САД и сојузниците се намалуваат, а како што војната се одолговлекува, Украина се соочува со зголемена потреба за пософистицирано оружје.
Системот предложен од компанијата Боинг, наречен GLSDB, е еден од десетината планови за производство на нова муниција за Украина и другите источноевропски сојузници на САД, потврдија за британската агенција извори од воената индустрија.
Според документот што го видел „Ројтерс“, GLSDB би можел да биде испорачан уште на пролет следната година.