Амбасадорката на САД во Обединетите нации, Линда Томас-Гринфилд, денес изјави дека американската поддршка за Украина е непоколеблива и дека ќе продолжи додека Украина не победи во војната.
„Ние сме обединети од првиот ден и не видовме пукнатини во тоа единство“, рече Томас-Гринфилд, кој денеска ненајавено го посети Киев, додавајќи: „Европа е обединета. НАТО е обединет. Во САД и двете големи партии поддржуваат поддршка на Украина“.
„Нашата поддршка е непоколеблива. Ќе останеме обединети додека Украина не победи во оваа војна, а Русија не ги повлече своите сили од Украина“, рече американскиот амбасадор.
На прашањето за извештајот на „Вашингтон пост“ дека украинските власти бараат од Украина да сигнализира дека е отворена за преговори со Русија, Томас-Гринфилд рече: „Бевме јасни. Нема преговори во кои Украина не е на возачкото место, нема преговори за Украина, без Украина“.
„Меѓународната заедница сака правда за украинскиот народ. Во преговорите главна улога мора да има Украина. Тие мора да одлучат кога ќе бидат подготвени за преговори, со поддршка на меѓународната заедница, следејќи ја Повелбата на ОН што Русија ја прекрши“, рече американскиот амбасадор.
