Хеликоптер се урна денеска на југот на Италија, при што загинаа седум лица, меѓу кои и четиричлено семејство од Словенија, објавија италијанските медиуми.
Хеликоптерот исчезнал од радарите во Кастелпагано ди Апричена, рурална област во провинцијата Апулија, по што армијата и пожарникарите започнале потрага.
Заменик-шефот на Апулија, Рафаеле Пијемес, изјави дека хеликоптерот е пронајден и дека сите седум патници и членови на екипажот загинале, објави весникот „Кориере дела сера“.
Меѓу загинатите има и четиричлено семејство од Словенија, меѓу кои и 13-годишно девојче.
Хеликоптерот кој секојдневно летал од Фоџа, во Апулија на островот Тремита во Јадранското Море, се урнал најверојатно поради лошото време.
