Кинескиот премиер Ли Кечијанг и уште тројца членови на Постојаниот комитет на Политбирото, највисокото тело за креирање политики на владејачката Комунистичка партија, се исклучени од новоизбраниот Централен комитет. Над 2.000 делегати на партискиот конгрес во Пекинг, кој се одржува на секои пет години, го избраа Централниот комитет кој брои 205 членови и 171 заменик.
Ли Кечијанг (67), Ли Жаншу (72), Ванг Јанг (67) и Хан Женг (68), членови на седумчлениот Постојан комитет, беа исклучени од новиот Централен комитет. Според тамошните правила, Ли Жаншу и Хан Женг требало да бидат во пензија поради возраста.
【胡锦涛动作显示不自愿地被带离场】
【拒绝"被搀扶"、试图再坐下、拍打李克强手臂、习近平反应冷淡】
法新社画面显示，工作人员首先拿起了胡锦涛的眼镜，当尝试搀扶他时，胡锦涛右手缩回去，然后胡锦涛伸手拿习近平枱上的文件，工作人员即时制止。之后习近平头部转向相反方向，没有再理会胡锦涛。 pic.twitter.com/Y32PJyksP1— 自由亚洲电台 (@RFA_Chinese) October 22, 2022
Централниот комитет ќе се состане зад затворени врати на својот прв пленум или пленум в недела за да гласа за составот на новото Политбиро, кое вообичаено се состои од 25 членови и Постојаниот комитет.
Исклучени се и 64-годишниот Ји Ганг, гувернер на кинеската централна банка и 66-годишниот Гуо Шукинг, претседател на регулаторната агенција за банкарство и осигурување. Од новиот Централен комитет беше исклучен и вицепремиерот Лиу Хе (70), кинески економски експерт.
Си-Ен-Ен објави дека поранешниот генерален секретар на кинеската Комунистичка партија и претседател на Кина Ху Џинтао (79) бил изведен од Големата сала на народот за време на церемонијата на затворање на конгресот.
Ху седел на главната маса во Салата на народот, до наследникот Кси, кога му пришле двајца мажи. Тој разговарал со нив накратко и, според Си-Ен-Ен, првично се чинело дека одбива да замине. Не се познати околностите под кои Ху ја напушти салата.
Кинескиот претседател и генерален секретар Си Џинпинг во саботата го затвори 20. Конгрес на Комунистичката партија и се очекува да добие нов петгодишен мандат како лидер на партијата.
