Украинскиот претседател Володимир Зеленски утринава реагираше на веста за неколку експлозии низ земјата, велејќи дека Русите „се обидуваат да ја уништат“ Украина.
„ Ги уништуваат нашите луѓе кои спијат дома во Запорожје. Тие убиваат луѓе кои одат на работа во Днепар и Киев. Воздушната тревога не стивнува низ цела Украина. Тие се обидуваат да нè уништат и да нè избришат од лицето на земја“, рече Зеленски.
„Погодуваат проектили. За жал, има мртви и ранети. Ве молам, не напуштајте ги засолништата. Грижете се за себе и за вашите најблиски. Да се држиме и да бидеме силни“ порача тој.
