Војната во Украина ја помина границата од шест месеци, а западните власти велат дека Украина успешно го искористила методот на отпор развиен од американските сили за специјални операции за да возврати на Русија и да ја закопа нејзината многу супериорна армија.
Таканаречениот концепт на оперативен отпор беше развиен во 2013 година, по војната на Русија со Грузија неколку години претходно, но неговата вредност беше реализирана дури по инвазијата на Москва на Крим во 2014 година.
Доктрината, позната по акронимот РОК, обезбедува иновативен и неконвенционален пристап кон војувањето и одбраната што ја доведе не само украинската војска туку и цивилите како дел од заедничкиот отпор против руската армија.
„ Сите раце се тука за украинската влада во однос на сеопфатната одбрана. Тие ги користат сите ресурси и, исто така, некои многу неконвенционални средства за да ја попречат војската на Руската Федерација – изјави за Си-Ен-Ен пензионираниот генерал-полковник Марк Шварц, кој ја предводеше командата на силите за специјални операции во Европа за време на развојот на РОК.
Воено послабата Украина им се спротивстави на руските сили кои мислеа дека ќе го совладаат поголемиот дел од земјата за неколку недели, ако не и денови.
