Украина очекува да добие пет милијарди евра макрофинансиска помош од ЕУ следната недела за да им помогне на економијата и армијата и да се подготви за претстојната зима, изјави денеска во Берлин украинскиот премиер Денис Шмихал.
Помошта од ЕУ ќе придонесе за стабилноста на украинската економија и армија и претстојната грејна сезона, објави Шмихал на Телеграма, пред средбата со германскиот претседател Франк-Валтер Штајнмаер. Се очекува Германија да испорача софистицирани системи за противвоздушна одбрана на Украина оваа есен, рече Шмихал.
Шмихал, кој пристигна во Берлин во саботата, ќе разговара и со германскиот канцелар Олаф Шолц и други официјални лица.
Нападот на Русија врз Украина ги исцрпува ресурсите на земјата и Киев постојано бара финансиска поддршка од ЕУ, САД и меѓународните кредитори.
