11.8 C
Скопје
26. септември 2022
Centar.mk – Вести, бизнис, забава, спорт…
Свет

САД испраќаат војници во Европа

Американските власти наесен ќе испратат најмалку 260 војници во Европа, соопшти денеска прес-службата на американската армија.

Одделот за армија објави дека наесен ќе распореди војници од 101-та дивизиска бригада од Форт Кембел, Кентаки, за да ги поддржи своите европски и НАТО сојузници, пренесе ТАС С.

Од 101-та дивизиска бригада ќе бидат распоредени околу 260 војници, се наведува во соопштението и се додава дека распоредувањето на војниците ќе биде привремено.

За потсетување, Соединетите Држави испраќаат речиси 3.000 дополнителни војници во Полска и Романија за, како што тврдат, да ја заштитат Источна Европа од потенцијалните прелевања од украинската криза. Американскиот Пентагон објави дека ќе ја премести ескадрилата Страјкер со околу 1.000 американски персонал од Вилсек, Германија во Романија.

Треба да се напомене дека во Романија пристигнаа околу 100 војници, кои, како што беше споменато претходно, треба да се занимаваат со логистика. САД во моментов имаат околу 900 војници во Романија, која е членка на НАТО од 2004 година и е домаќин на систем за одбрана од балистички проектили.