Француски новинар е убиен во Украина, објави во понеделникот на Твитер францускиот претседател Емануел Макрон.
– Фредерик Леклерк-Имхоф беше во Украина за да ја покаже реалноста на војната. Тој беше смртно ранет во хуманитарен автобус со цивили кои беа принудени да побегнат од руското бомбардирање – напиша Макрон.
Келер-Имхоф (32) работел за францускиот ТВ канал BFM-TV. Франција повика на истрага.
– Франција бара што е можно поскоро и транспарентно да се спроведе истрага за околностите на оваа драма – изјави министерката за надворешни работи Кетрин Колона, која во понеделникот престојуваше во Украина.
Регионалниот гувернер на Луганск Серхи Хаидаи објави слики на кои се гледа тешко оштетен камион со скршено ветробранско стакло и крв внатре. На патот е телото на маж за кој се верува дека е новинар.
Официјални лица велат дека тој се здобил со смртоносна рана на вратот откако шрапнел го пробил оклопот на возилото.
Евакуацијата е прекината
Некои од најжестоките борби се уште траат во регионот на Луганск, додека Русите се приближуваат до градот Северен Доњецк.
Евакуацијата на цивилите е кревка операција во оваа војна, но Москва постојано ја обвинуваат дека го прекршила договорениот прекин на огнот и намерно пука во цивили, што секогаш го негирала.
Би-Би-Си наведува дека евакуацијата на цивилите од областа Луганск била прекината по убиството на новинарот, изјави регионалниот гувернер.
Серхи Хаидаи напиша на Телеграма дека автомобилот бил на пат да земе 10 луѓе.
