Сопругот на учителката Ирма Гарсија, една од двете возрасни жени убиени во масакрот во училиштето во Тексас, почина од срцев удар. Нејзиниот внук ја објави информацијата на Твитер, пишува Еј-Би-Си.
„Со длабока жалост морам да ви кажам како од тага почина сопругот на тетка ми Ирма, Џо Гарсија. Немам зборови да опишам како се чувствуваме, молете се за нашето семејство. Боже, смилувај ни се, ова не е лесно”, напиша Мартинез.
Тој отишол да остави цвеќе на гробот на својата трагично почината сопруга. Но, кога се вратил дома, одеднаш паднал.
„Мојата тетка Ирма и Џо Гарсија се заедно од средно училиште и зад себе оставија четири прекрасни деца. Тие имаат 23, 19, 15 години, а најмладата има само 13 години“, напиша тој на Твитер. Оваа информација ја потврди и новинарот на Фокс од Сан Антонио, Ерни Зунига.
Нападот ги остави скршени срцата на многу семејства. Ваквите трагични настани често се случуваат во САД, и покрај напорите на властите да преземат посериозна одговорност.
„Таа се жртвуваше за да ги заштити децата во својата училница“, напиша нејзиниот внук на Твитер и додаде: „Таа умре како херој, многумина ја сакаа и на сите навистина ќе ни недостига“.
EXTREMELY heartbreaking and come with deep sorrow to say that my Tia Irma’s husband Joe Garcia has passed away due to grief, i truly am at a loss for words for how we are all feeling, PLEASE PRAY FOR OUR FAMILY, God have mercy on us, this isn’t easy pic.twitter.com/GlUSOutRVV
— john martinez ❤️🔥 (@fuhknjo) May 26, 2022
