Украинското Министерство за одбрана објави видео на кое се гледа како украинските борбени авиони Су-27 Фланкер гранатираат објекти на Змискиот остров, кој е под контрола на руските војници.
На видеото се гледа како два Су-27 летаат ниско над островот, а потоа фрлаат уште бомби и инфрацрвени проектили во правец на островот.
Нападот од југ беше стратешка мерка на украинските сили, бидејќи руските бранители на островот најверојатно ќе бидат фокусирани на претстојните напади од северот и западот на украинскиот брег.
Голем воен комплекс и згради над пристаништето се чинеше дека биле директно погодени во нападот.
По првите напади, имаше најмалку две големи експлозии, што може да значи дека бомбите погодиле складишта за муниција или гориво.
На видеото се гледа и напад на зграда на Змискиот остров. Забележлив е и рускиот персонал кој патролира околу зградата во моментот кога таа експлодира.
Овој остров беше заземен од руските сили уште во март, кога започнаа целосна инвазија на островот, кој се наоѓа на само неколку десетици километри од романскиот брег.
Островот на змиите е стратешки важен бидејќи и дозволува на Русија да ги контролира територијалните води. Покрива важни транспортни канали до пристанишните градови Одеса, Миколаев и Керсон.
По заземањето на островот, Русија воспостави контрола над поморските канали, изолирајќи ја Украина од меѓународните пазари и лишувајќи ја нејзината економија од витални трговски приходи, пренесе Нова.рс.
#Ukraine: The Ukrainian Air force is still alive- seen here are two Ukrainian Su-27 striking Russian facilities on the famous Snake Island in the Black Sea, in remarkable footage filmed by a TB-2 drone.
As we can observe, there is serious damage. pic.twitter.com/ogN3gOU8uJ
— 🇺🇦 Ukraine Weapons Tracker (@UAWeapons) May 7, 2022
