Руското Министерство за одбрана најави нова закана од ракетни напади врз главниот град на Украина.
Според руската прорежимска агенција РИА, руското Министерство за одбрана објави дека ракетниот напад погодил воена постројка во близина на Киев и се закани дека „ќе ги интензивира ракетните напади врз цели во Киев како одговор на провокациите на украинските безбедносни сили на руска територија“.
„Бројот и интензитетот на ракетните напади врз Киев ќе се зголемат како одговор на терористичките напади или саботажи на руска територија извршени од националистичкиот режим во Киев“, изјави портпаролот на руското Министерство за одбрана Конашенков.
Русите објавија дека во текот на ноќта испукале проектил од калибар, испукан од морето, кон фабриката за машини „Жулјански Визар“ во предградието на Киев. Во нападот, тврди руското министерство, бил уништен погонот за производство и поправка на системот за противвоздушна одбрана.
