Претседателот на Украина, Володомир Зеленски, денеска изјави дека разговарал со претседателката на Европската комисија (ЕК), Урсула фон дер Лаен, и дека Украина очекува напредок во однос на апликацијата за влез во Европската Унија во наредните месеци.
„Имав значаен разговор со претседателот на ЕК“, наведе Зеленски на „Твитер“, пренесе „Ројтерс“.
Мислењето на ЕК за апликацијата на Украина за членство во ЕУ ќе биде подготвено во рок од неколку месеци, посочи тој.
„Известени се владата на Украина и ЕК. Заедно одиме кон нашата стратешка цел“, напиша Зеленски.
