На состанокот оваа недела, кој се одржува на високо ниво на кинески и американски претставници во Рим, Кина ја истакна својата посветеност на промовирање на мировните преговори и дека меѓународната заедница треба да работи заедно за да ги поддржи мировните преговори меѓу Русија и Украина и да промовира смиреност што е можно побргу.
Кина оцени дека американската страна како иницијатор на украинската криза треба внимателно да ги слуша овие сугестии и да направи нешто практично за политичко решение на украинската криза наместо да го прави спротивното, па дури и да шири лажни информации за искривување и оцрнување на позицијата на Кина.
Се додава дека по средбата во Рим, САД треба да ги исполнат ветувањата на претседателот Џозеф Бајден и да ги искористат активностите за да ја добијат довербата на кинескиот народ и меѓународната заедница.
Се наведува дека на самитот Кина – САД на 14 март во Рим двете страни имале искрена, длабинска и конструктивна комуникација за кинеско-американските односи и клучните меѓународни прашања и создале услови за враќање на кинеско-американските односи на вистинскиот пат.
Ова е првпат високи функционери на двете страни да разменуваат мислења по видеосредбата меѓу лидерите на Кина и САД во ноември минатата година. Кина во изминатите четири месеци работеше напорно за да го имплементира консензусот постигнат од шефовите на двете земји, но посветеноста на САД остана во воздух, пишуваат агенциите.
На оваа средба Кина уште еднаш го изрази својот став за прашањата поврзани со Тајван, Ксинџијанг, Тибет и Хонг Конг нагласувајќи дека овие прашања се однесуваат на суштинските интереси на Кина и дека тоа се внатрешни работи на Кина, во кои не може да се мешаат надворешните сили.
Јасно било кажано дека ниту еден обид за потиснување на Кина нема да успее и која е црвената линија за Пекинг во кинеско-американските односи. Важноста на односите меѓу Кина и САД, како еден од најважните билатерални односи во светот, ги надминува билатералните рамки и има посебна одговорност за одржување на мирот и стабилноста во светот, беше истакнато на средбата.
