Од почетокот на 2022 година Кина пријавила повеќе локални симптоматски случаи на Kовид-19 отколку што забележала во текот на целата мината година бидејќи високопреносливиот сој омикрон предизвикува ширење на епидемијата од Шангај до Шенжен.
Континентална Кина пријави 1.337 нови случаи на Ковид-19 преку локална трансмисија на 13 март, објави кинеската Национална здравствена комисија (НХЦ), а пренесува „Ројтерс“.
Така, вкупниот број на ковид-случаи оваа година се зголеми на повеќе од 9.000 во споредба со 8.378 случаи регистрирани во текот на 2021 година, според „Ројтерс“.
Официјалните служби во Шенжен привремено го прекинаа јавниот превоз и ги повикаа граѓаните да работат од дома бидејќи во градот оваа недела се спроведува масовно тестирање по порастот на нови случаи.
Компаниите „Фокскон“ и „Унимкрон технолоџи“, доставувачи на „Епл“, денеска ги прекинаа своите деловни активности во Шенжен.
Во североисточниот град Чангчун, кој моментно е под блокада, „Тојота“ го прекина производството во своето заедничко претпријатие со кинеската групација FAW.
Кога станува збор за увезени случаи, Кина објави 1.437 новoпотврдени случаи на 13 март во споредба со 1.938 еден ден претходно.
