Амбасадорот на Украина во ОН, Сергиј Кислиција, ја осуди Русија и ја нарече држава агресор за лаги, воени злосторства и злосторства против човештвото, јавува Би-би-си.
„Која е следната цел? Уште една станбена зграда? Уште едно породилиште? Руските војници веќе ги погодија сите овие места“, рече тој.
Обраќајќи се во ОН, тој зборуваше за Мариупол, кој е речиси под постојан напад на руските сили.
„Руските воздушни напади и гранатирањето речиси го уништија Мариупол и загинаа 1.582 цивили во градот, според локалните власти. Првпат по Втората светска војна, луѓето ги закопуваат во масовни гробници во украинските градови“, рече тој.