Унгарија нема да испрати војници или оружје во Украина и нема да дозволи да се транспортира смртоносно оружје низ нејзината територија за да ја одржува земјата безбедна, изјави на Косово унгарскиот министер за надворешни работи Петер Сијарто.
„Причината за оваа одлука е што пратките со такво оружје би можеле да станат цели на непријателски воени дејствија и… ние мора да ја гарантираме безбедноста на Унгарија… за да не бидеме вклучени во оваа војна“, рече Сијарто по состанокот со косовскиот министер за надворешни рабои Доник Жервал.
Унгарскиот премиер Виктор Орбан изјави дека неговата земја ќе ги поддржи сите санкции на Европската унија против Русија и нема да блокира ништо, обраќајќи им се на новинарите од украинско-унгарската граница.
„Унгарија јасно стави до знаење дека ги поддржува сите санкции и нема намера да блокира ништо. Прифаќаме и поддржуваме се за што се договорат премиерите на ЕУ“, рече Орбан.
„Време е да бидеме обединети, ова е војна“, рече унгарскиот премиер, додавајќи дека најважно е да се вложат напори за мир.
