СМС пораките кои рускиот војник наводно и ги напишал на својата мајка опишуваат како руската армија во Украина „ги напаѓа сите, дури и цивили“.
Тие беа прочитани на глас од украинскиот амбасадор во ОН Сергиј Кислица на итниот состанок на Генералното собрание на ОН во понеделникот.
„Би сакал да ги прочитам пораките од екранот на телефонот на убиениот руски војник“, рекол тој пред да почне да ги чита пораките на руски.
Фотографиите од текстовите претходно ги објави Службата за безбедност на Украина на Телеграм (услуга за инстант пораки), а ги објави украинската медиумска куќа Укринформ. Околностите за смртта на војникот не се откриени, освен дека се знае дека загинал во борба. Кислица рече дека пораките биле испратени „моменти пред да биде убиен“.
Во размената потврдена само од украински извори, војникот и кажува на мајка си, на руски, дека повеќе не е на Крим на вежби. Кога мајка му го прашала дали може да му испрати пакет, тој рекол „единствено што сакам сега е да се обесам“. Тој понатаму објаснува дека е во Украина, каде што има „вистинска војна“.
„Се плашам дека ги напаѓаме сите, дури и цивилите“, напиша тој. „Ни рекоа дека луѓето ќе не пречекаат овде, но ни скокаат под возилата, не нè пуштаат да поминеме. Не нарекуваат фашисти. Мамо, толку е тешко“.
„Ако сакате само да ја визуелизирате големината на трагедијата, треба да замислите еден до друг, покрај секоја плоча со името на секоја земја во ова Генерално собрание, повеќе од 30 души на загинати руски војници“, рече Кислица кога завршил со читање пораки од руски војници.
„Покрај секое име на секоја земја во ова собрание, има повеќе од 30 убиени руски војници. Убиени стотици Украинци. Убиени десетици деца.
Ова доаѓа во време кога Украина и нејзините сојузници повикаа на истрага на Обединетите нации за можни воени злосторства извршени од Русија за време на инвазијата на Украина.
Советот за човекови права на Обединетите нации во понеделникот гласаше да го прифати барањето на Украина за итна расправа за руската инвазија во четвртокот. Нацрт-резолуцијата на Украина ќе биде разгледана во итна дебата. Доколку биде усвоена, комисија од тројца независни експерти ќе ги испита сите наводни прекршувања на меѓународното право во Крим и регионите Доњецк и Луганск од 2014 година, како и во други делови на Украина од руската инвазија минатата недела.
