Сите летови од меѓународниот аеродром Платов во Ростов на југот на Русија се откажани поради затворање на зоната на јужниот воздушен простор, соопшти денеска прес-службата на аеродромот.
Во меѓувреме, сите летови до и од руските аеродроми Краснодар, Анапа и Сочи се суспендирани до крајот на денот, соопшти компанијата Аеродинамика, која управува со овие аеродроми, пренесува ТАСС.
„Руските воздухопловни власти одлучија привремено да ги прекинат летовите до голем број аеродроми во јужна Русија, вклучувајќи ги Краснодар, Сочи и Анапа, помеѓу 4.27 часот на 24 февруари и полноќ на 25 февруари. Утврдено е дека зоната на летови не е безбедна за цивилни летови и патници“, се наведува во соопштението.
