Планирам Владата да ја предложам околу 11 јануари, открива претседателот на СДСМ, Димитар Ковачевски во гостувањето на Канал 5 телевизија. Прашан за тоа како ќе владее, Ковачевски одговори дека не е приврзаник на технократскиот стил на владеење со цврста рака.
-Потребен ни е мерит систем на раководење, каде секој раководител и прв човек на одредена институција треба одговорно да ги извршува задачите согласно поставените цели. Од новата Влада може да се очекува посветеност на економијата и реформите, борба против корупцијата и правда, а секако работиме и на одржување на првата Меѓувладина конференција, рече Ковачевски.
Според него, претходната Влада била силно посветена на релаксирање на односите со соседите и носела тешки и големи одлуките, при што никој не го штеде рејтингот, и личниот и партикиот.
-Но затоа сега сме членки на НАТО и ги гледаме бенефитите и преку инвестиции, иако се појавија проблеми во внатрешната политика, истакна Ковачевски.
