„Патиштата кои ги правиме директно придонесуваат за намалување на трошоците на производителите на ориз“ кажа кандидатот за градоначалник на општина Кочани од СДСМ и коалицијата, Николчо Илиев на дебатата на МТВ.
Тој додаде дека за поголема конкурентност на пазарот со земјите кои ни се директни конкуренти, како Италија и Грција е потребно намалување на трошоците, до што ќе се дојде преку укрупнување на површините и подобра организација.
„За да конкурираме на земјите кои ни се најголеми конкуренти во оризопроизводството како Италија и Грција потребно е укрупнување на површините и подобра организација“ Илиев.
Тој додаде дека процесот за укрупнување на површините е веќе започнат, но за жал не се движи со потребното темпо.
„Тоа си бара време, но мислам дека со тоа ќе дојде до намалување на трошоците. Мораме да направиме и подобра организација за да се доаѓа до поевтини набавки на препаратите“ кажа Илиев.
