Руската полиција ја укина потерницата за белоруската опозициска политичарка Светлана Тихановскаја, издадена по иницијатива на белоруските власти, пренесува „Ројтерс“.
Тихановскаја е во егзил од минатата година откако белорускиот претседател, Александар Лукашенко, го освои шестиот мандат на изборите во август, а таа, која му беше противник, одби да ги прифати резултатите сметајќи дека се наместени, па затоа истиот ден ја напушти Белорусија и отиде во соседна Литванија.
Во октомври Белорусија издаде меѓународна потерница за Тихановскаја обвинувајќи ја дека повикува на закана за националната безбедност на Белорусија.
