Четири лица биле пронајдени мртви во болница во градот Потсдам, недалеку од Берлин, а уапсена е и жена осомничена за нивното убиство, соопшти денеска германската полиција.
Портпаролот на полицијата на провинцијата Бранденбург изјави дека покрај четирите мртви лица на Клиниката за ортопедија „Оберлин“, пронашле и едно тешко повредено лице.
Според неговите информации, на жртвите биле забележани знаци на екстремно насилство.
Локални медиуми наведуваат дека уапсената жена осомничена за убиство била вработена во клиниката, а жртвите се пациенти.
