Противпожарни екипи извлекоа 30 луѓе од под урнатините по разорниот земјотрес со јачина од 6,2 степени според Рихтеровата скала што пред пет дена ја погоди Хрватска.
Во спасувачката акција повредени се тројца пожарникари, јавија хрватските медиуми.
Во спасувачката акција учествуваат повеќе од 800 пожарникари од целата земја, 220 противпожарни возила и 11 кучиња трагачи.
Во округот Сисак-Мославина се оштетени повеќе од 2.000 згради. Во земјотресот загинаа седум луѓе.
