Од денес на сила се новите мерки во Србија, во борбата против ширењето на коронавирусот. Во цела Србија е задолжително носење маски на отворен простор кога нема можност да се обезбеди физичка дистанца од еден метар и половина, како што се редиците пред продавница, аптека, автобуска итн.
Со овие мерки се забрануваат собири на јавни места во затворен и отворен простор истовремено на повеќе од десет луѓе, без оглед на тоа дали е во одредена општина или град прогласена вонредна состојба.
За време на престојот на јавни места, меѓу собраните луѓе мора да постои физичка дистанца од најмалку 1,5 метри. Носењето маска е задолжително на сите јавни места во затворен простор, што значи дека родителите на малолетни деца, како и децата со посебни потреби и нивните старатели, се должни да обезбедат нивните деца да носат зашптитна маска.
