Германската канцеларка, Ангела Меркел, денеска изјави дека сега е неопходно Европа да биде обединета затоа што светот е целосно реорганизиран.
Меркел, која како прв германски канцелар присуствуваше на седница на владата на покраината Баварија, на прес-конференција во Минхен истакна дека единство во Европа значи сигурност за Германија.
Таа порача дека сè што се случува во Брисел за време на германското претседателство со Европската Унија е многу важно.
„Светот во моментот се реорганизира. Мислењето дека Соединетите Американски Држави ја штитат ЕУ веќе не е нешто што може да се земе здраво за готово. Затоа, единството во Европа е поважно од кога и да било“, рече Меркел.
