Бројот на заразени од новиот коронавирус во Грција достигна 45 лица, откако денеска беше потврдена информацијата која проструи во медиумите за 14 нови случаи.
Станува збор за 11 лица кои биле дел од поклоничкото патување во Израел и Египет, а од конкретната група веќе се потврдени 23 позитивни случаи, додека пак останатите три случаи се од контактите на заразените, соопшти претставникот на Министерството за здравство на Грција, задолжен за новиот коронавирус и научен соработник во Националната организација за јавно здравје, професорот Сотирис Циодрас
Од потврдените 45 случаи на Ковид-19 во Грција, 34 лица се дел од група од 54 патници што заминала за Израел и Египет на поклоничко патување во Светата земја и планината Синај, а на 27 февруари 2020 се вратиле во Грција.
