Полицијата во Велика Британија соопшти дека почнала истрага за наводниот напад врз секретарот за правда на Хонг Конг, Тереза Ченг, во Лондон. Според полицијата, досега немало апсења во врска со инцидентот.
„Жената беше донесена во болница од Лондонската амбулантска служба и има повреда на раката. Во тек се истраги за да се утврдат целосните околности на инцидентот“, соопшти полицијата.
Ченг, кој пристигна во Велика Британија за да присуствува на настан посветен на промовирање на улогата на Хонг Конг како центар за разрешување спорови и склучување договори, беше мета на демонстранти во четвртокот, кои извикуваа „Убиец!“ и „Засрами се!“. Пекинг претходно ја обвини Велика Британија за поттикнување немири по инцидентот во кој секретарот за правда на Хонг Конг беше нападнат од маскирани демонстранти во Лондон. Кина остро го осуди инцидентот./Makfax
