Премиерот на Грција, Кирјакос Мицотакис, денеска е во посета на Берлин каде што ќе се сретне со германската канцеларка Ангела Меркел и со заменик-канцеларот и министер за финансии, Олаф Шолц.
Теми на состанокот ќе бидат економијата, инвестициите и бегалската криза.
Портпаролот на грчката Влада, Стелиос Пецас, деновиве на прес-конференција, прашан за тоа дали договорот од Преспа е тема на средбите, одговори дека нивните позиции, како и позициите на нивните партнери се познати во однос на политиката за Западен Балкан и за соседите.
