Американскиот претседател, Доналд Трамп, го одобри предлогот на Емануел Макрон да ја покани Русија на самитот Г7 во САД в година, напиша на „Твитер“ новинарката на Си-ен-ен, Кајли Атвуд, повикувајќи се на извори во американската администрација.
Претседателите на САД и Франција се согласија за време на телефонскиот разговор вчера дека Русија треба да биде поканета на самитот на Г7 в година, напиша новинарката.
Таа додаде дека тоа е идеја на Макрон.
Се очекува Трамп да го иницира тоа прашање на самитот на Г7 во Бијариц овој викенд.
Претходно, американскиот лидер изјави дека нема ништо против враќањето на Русија и преродбата на форматот Г8.
