Секогаш во средиштето на збиднувањата...

Тело на нуркач по 6 години извадено од морските длабочини

Хрватските полициски нуркачи извлекоа мртво тело на неидентификуван маж во вторникот, во близина на местото Света Марина кај Рабац.

Телото се наоѓало на длабочина од 50 метри и било забележано од еден чешки нуркач пред неколку месеци. Кога се создале услови затоа што видливоста на таа длабочина е исклучително лоша, полицијата го извадила телото.

На телото се наоѓала опрема за нуркање, а бидејќи не можел да се утврди идентитетот, телото на мажот било транспортирано во Одделот за патологија на Општата болница Пула за обдукција и идентификација.

Се претпоставува дека станува збор за Адам Бениамин Вробел, полски нуркач кој исчезнал во областа уште во 2013 година.