Секогаш во средиштето на збиднувањата...

Асимилацијата на Евреите во САД е како втор холокауст, тврди израелски министер

фото Pixabay

Мешаните бракови меѓу Евреите од дијаспората, особено оние во Северна Америка, се како втор холокауст, изјави израелскиот министер за образование, Рафи Перец, на состанокот на кабинетот, обединувајќи голем дел од таа дијаспора во шок, пренесува РТ.

„Еврејската заедница изгуби 6 милиони луѓе во последните 70 години поради мешаните бракови и асимилацијата“, изјави Перец на состанокот на кабинетот за трендовите во еврејските заедници во светот, особено во САД.

Неговиот портпарол ја потврди изјавата на израелскиот Канал 13.

Американските Евреи беа навредени од изјавата. Главниот извршен директор на Лигата против клевета (АДЛ), Џонатан Гринблат, ги нарече забелешките незамисливи, додавајќи дека овој вид неоснована споредба само разгорува и навредува.

АДЛ објави дополнителен одговор на хебрејски јазик, обвинувајќи ја изјавата на Перез дека само ги зголемува веќе постоечките тензии меѓу Израел и Евреите од САД.

„Израелската влада има морална одговорност да ги одржува и подобрува односите на земјата со Евреите во дијаспората воопшто, а особено со американската еврејска заедница”, рече Џеј Рудерман, претседател на Фондацијата за семејство „Рудерман“, еврејска организација што се залага за лицата со попреченост.

И колегите министри на Перец не останаа имуни на коментарот.

„Прво треба да престанеме со непочитување и потценување на Евреите во Америка кои се гледаат себеси како Евреи не само религиски туку и повеќе културно и историски”, тврди министерот за енергетика, Јувал Штајниц.

Но, премиерот Бенјамин Нетанјаху го сподели алармот на Перец за демографските трендови, тврдејќи дека американските Евреи ги напуштаат еврејските традиции во тренд што не може лесно да се промени.

Поддршката за Израел меѓу американските Евреи со години опаѓа, а коментарите на Перец – кои не се први што ја споредуваат асимилацијата со холокаустот – најверојатно нема да го намалат јазот.

Во тренд…