Голема бубашваба лазеше по филипинскиот претседател, Родриго Дутерте, додека тој говореше на предизборен митинг, што предизвикува бран потсмев на тамошните социјални мрежи, објави „Хина“.
На Филипините в понеделник се закажани парламентарни избори, а Дутерте учествува во кампањата на неговата Филипинска демократска партија – Моќ на народот.
За време на говорот што Дутерте го држеше во средата во градот Гарсија Ернандес, бубашваба му се качи на левото рамо, а една од соработниците на претседателот веднаш реагира и се обиде со папка да ја отстрани бубашвабата, но инсектот продолжи да си лази по Дутерте.
Медимуите информираат дека ваквиот настан воопшто не го вознемирил претседателот, кој рекол дека бубашвабата е само инфилтриран припадник на опозициската Либерална партија.
Критичарите на претседателот на Филипините му одговорија со пораки на социјалните мрежи дека природно привлекува инсекти бидејќи добро е познато оти ѓубрето е магнет за нив.