На улиците на Венецуела денеска повторно се собраа граѓани, и приврзаниците на Николас Мадуро и приврзаниците на Хуан Гваидо. Како што пренесува Си-ен-ен, во Каракас се собрале неколку илјади приврзаници на Гваидом, а таму се и приврзаниците на Мадуро, кои го слават 1 мај.
Еден ден по нередите во Каракас, Гваидо повторно ги повика неговите приврзаници и денеска да излезат на улиците за да заврши последната фаза од симнувањето од власт на претседателот Николас Мадуро.
Од една страна приврзаниците на Гваидо се собрани на плоштадот Атамира, кои наводно припремаат молотови коктели, а на другата, по повод 1 мај, се приврзаниците на Мадуро, кој упати порака дека „работничката класа во земјата ќе го прослави својот ден, но и ќе ја брани татковината со голем марш, на кој ќе каже НЕ на државниот удар и американското мешање“.
