Секогаш во средиштето на збиднувањата...

Четири децении од катастрофалниот земјотрес во Црна Гора

Денес се навршуваат четириесет години од најразорниот земјотрес, со јачина од седум степени според Рихтеровата скала, што на 15 април 1979 година ја погоди Црна Гора и предизвика катастрофално уништување на целиот црногорски брег, во должина од околу 100 километри.

Според cdm.me, епицентарот на земјотресот бил во Јадранското Море, помеѓу Бар и Улцињ, на оддалеченост од 15 километри од брегот. Во овој земјотрес 101 лице го загубија животот во Црна Гора и 35 во Албанија.

Во земјотресот беа уништени голем дел од хотелите во оваа област, беа оштетени 53 здравствени установи, 570 објекти на социјалната и детската заштита, 240 училишни згради.

Особено беа оштетени културните и историските споменици (манастири, цркви, музеи, архиви), кои беа концентрирани главно во најзагрозениот крајбрежен појас. Исто така, големи штети претрпе и патната мрежа – беа оштетени околу 350 километри магистрални и 200 километри регионални патишта.

Во тренд…