Единиците на Либиската национална армија (ЛНА) ја напуштија територијата на меѓународниот аеродром во Триполи, објави „Скај њуз Арабија“. Како што истакна медиумската куќа, стратешката локација во моментов е контролирана од групи лојални на владата на национален договор(ГНА).
Еден ден претходно, силите на ГНА почнаа воздушни напади врз позициите на ЛНА во областа, поради што тие ги почнаа воздушните воени операции таму.
Единиците под водство на Хафтар го презедоа Меѓународниот аеродром во Триполи на 6 април и воспоставија целосна контрола врз стратешката локација, која не функционира од 2014 година. За возврат либиските владини сили почнаа контраофанзива за да го одбранат Триполи.
Контролата над Либија останува поделена по години во конфликт по бунтот поддржан од НАТО што резултираше со убиство на поранешниот шеф на државата, Моамер Гадафи. Оттогаш, во Либија немаше ниту една централна влада и покрај разговорите што неодамна беа одржани од двете страни.
Парламентот со седиште во Тобрук, избран во 2014 година и поддржан од ЛНА, владее со истокот од Либија, додека ГНА, формирана во 2015 година, ги контролира западните делови на Либија од Триполи.
