Судот на Малдивите во четвртокот нареди ослободување на поранешниот претседател Абдула Јамин велејќи дека според законот нема доволно причина да го држи во затвор повеќе од еден месец.
Јамин беше уапсен на 18 февруари под обвиненија за перење пари што произлегуваа од давањето на островите под закуп за изградба на хотели за време на неговиот мандат.
Високиот суд изјави дека обвинителството не дало никаква причина да му го продолжи притворот.
Јамин, кој одржуваше блиски врски со Кина, загуби на изборите минатата година на големо изненадување на сите. Неговите критичари подоцна го обвинија за злоупотреба на моќта.
