Некои запросувања се поприлично јавни, а некои, како во овој случај, малку таинствени.
Австралијанецот Тери направил огрлица и и ја подарил на својата девојка. На огрлицата имало дрвен привезок, а во него – веренички прстен.
Ана година дена немала појма дека прстенот се наоѓал таму, а сè се променило после патувањето во Шкотска.
Тогаш, Тери од Ана побарал да ја извади огрлицата за да ја фотографира. Кришум го отворил дрвениот привезок, ја наместил камерата и тргнал да и ја врати огрлицата. Клекнал пред неа и и покажал што се наоѓа во привезокот кој околу врат го носела година дена.
„Застана збунета неколку секунди, обидувајќи се да сфати што се случува, а потоа кажа ’да’ “, раскажал романтичниот дечко.
Тери вели дека кога Ана се смирила, го прашала дали прстенот цело време бил внатре, а потоа му рекла: „Можев да го изгубам, идиоте“.